لنكن محايدين عقلانين ولا نضحك على انفسنا

اولا انا زملكاوى وحبيت اشارك الاخوه الاهلاويه كمصريين فى رائيهم فى المباراه



بصراحه حال الاهلى وحش جدا وتقريبا بيعتمد على خبرات الاعيبن الكبار بس وانه ممكن يغير نتيجه مباراه فى ثانيه زى هدف بركات التالت كده



والمستوى ده مش مطئمن خالص قدام ومش حنضحك على بعض الاهلى بنسبه 60% هيودع البطوله

و 40 % ان شاء الله يكسب ويرد الاعتبار بس مش هو الفريق اللى هيكمل وياخد البطوله وخلينا صراح اولا

حسام البدرى :-



مدرب قد يكون له فكر كبير لكن تنفيذ رايح فى داهيه

واعتقد انه من ساعه لما

مسك الاهلى وروح الاهلى مش زى الاول

يعنى من الاخر يروح يدرب كام فريق كده وبعديها يرجع تانى للاهلى او يغير كل لاعيبه الاهلى عشان يعرف يلعب 4-4-2





وائل جمعه:-

لا احد ينكر انه لاعب عظيم بس من ساعه ما هو مش بيعرف يتعامل مع العرضيات بقى عامل زى هانى سعيد

حبه فوق وحبه تحت واخطاء قاتله وان يمكن كمان ان هانى ممكن يبقى متفوق عليه تكتيكيا

يا كابتن مينفعش نقاوح ونقول لسه فينا حيل بصراحه اعتزل وانت فى اوج عظمتك او اصبر لغايه لما الاهلى يجيب مدافع تمام بعدها اعمل اللى انت عايزه بس متوصلش لدرجه ابراهيم وحسام





شريف عبد الفضيل:-

اداء يمكن يكون احسن من احمد على فى الجبهه اليمنى لكن بردوا مش الاعيب السوبر

واحمد فتحى ماثر اوى فى المكان ده وان كان اصلا احمد فتحى فى الاوفر مش اوى





احمد عبد المنعم :-

الجميع تنبا بانك ستكون حارس مصر بس الخبرة ضعيفه واخطاء قاتله

اينعم الحضرى افضل حارس فى افريقيا لم يتحسن مستوه الا بعد ال30 سنه

مفيش حد هيصبر عليك 10سنين







ابوتريكه:-

حبيب الملايين ومعشوق الجماهير انا آسف بس نفس الكلام الموجه لوائل جمعه

والكلام ده والله بقوله من ساعه تصفيات كاس العالم

راتب كبير يليق بلاعب كبير لكن مش فى توقيته





عماد متعب:-

ظهر فارق كبير لغايبك عن الهجوم فعلى الاقل انت بتاخد معاك مدافع وبتفضى الطريق

لكن بصراحه بردوا مبقتش سوبر زى زمان انت مش بتفوق غير فى مباريات كل كام سنه



محمد بركات :-

الكابتن الكبير الوحيد اللى لسه فى شبابه ربنا يحافظ عليك بس هنعمل ايه من غيرك لكتر اصاباتك او لو وقعت لياقتك خالص



احمد حسن :-

كمل الكام مباره الى متبقيه عشان تبقى عميد لاعبى العالم و ان شاء الله نشوفك مدرب قد الدنيا



وحاجه اخيرة



محدش يقول طلعت وعفروتو عشان مش دول المهاجمين اللى فريق كبير جدا وعملاق زى الاهلى يعتمد عليهم

ومش هتكلم عن باقى الشباب لان الكل عارف مستواهم وامكانياتهم



احمد شكرى بصراحه احسن منهم وان تميزوا هم عنه واحرزوا الاهداف لكن يبقى له الدور التكتيكى الاكبر



انا عارف ان بعض الاعضاء هيقولوا انى جبت العيب فى كل لاعبى الاهلى بس هى ديه الحقيه من وجهه نظرى

انهم نجوم يسطعون فقط فى بعض الاوقات ولكن يغيبون فى مغظم الاحيان







وبصراحه اقولها ان الزمالك لو كسب الدورى الموسم القادم ان شاء الله لن يكون ذلك لان الزمالك تطور فقط بل لان الاهلى مستواه انخفض ايضا لكن يبقى السببان معا

لان الزمالك لو عايز يوصل لمستوى الاهلى لازم ان حسام حسن يعمل شغله كويس ويرجع النادى للبطولات ويعمل لاعيبه جامده ويمشى ويجى مدرب كبير ذو تكتيك عالى

وغالبا حيكون اجنبى وساعتها ممكن نقول الزمالك بقى عملاق مرة اخرى



عايز اعرف رايكم بكل صراحه من دون استفزاز