مشاكل

نرجو م الساده ا لزائريين التفاعل مع المنتدى

نرجو من السادة اعضاء مجلس الادارة المشاركة فى المنتدى
ويا ترى جميع اعضاء مجلس الادارة مشتركين فى المنتدى ولا فيه اشخاص ميعرفوش حاجة عنه

نرجو من الساده الزائريين وضع المواضيع والمناقشات فى المكان المخصص لها ........هذا السؤال فى بند الاستفسارات نرجو التركيز.....وشكرا

عفوا الخطا مردود

اكيد لا

اسمحولى يا شباب اعرض عليكم مشكلة لم تبلغ ذروتها حتى هذه الساعة ولكنها في طريقها الى اقلاق راحة كل من في بلدنا الحبيبة وربما تكون اصعب من مشكلة الصرف الصحي التى كادت ان تهدم بعض البيوت ولولا ارادة الله لخرج أكثر من نصف السكان يبحث له عن بلد اخرى يرتاح فيها من عناء البحث عن (جرار ) يخلصه من المياه التى تراكمت وتتراكم تحت جدران بيه او في مدخل بيته وربما تحت فراش نومه

مشكلة اليوم هي التخلص من (( القمامة )) وما يصاحبها من تلوث يصيب الصغير قبل الكبير ، هذا الى جانب المناظر ـ غير الحضارية التى تصيب أبصارنا كلما التفتنا يمينا او يسارا ـ في مدخل القرية ، وراء مركز الشباب ، على حواف الترعة ، ... وهذا لا يليق قطعا بقريتة لها تاريخ قريتنا وبها من بها من مثقفين


نمى الى علمي خبر عن توقف مشروع (( جمع القمامة )) منذ عدة أيام لظروف لست اعرف تفاصيلها حتى الأن

يا ريت اللى عنده اي معلومة عن هذا الأمر لا يبخل بها حتى نتمكن من مناقشة الأمر بعقلانية ، ربما كان هذا المنتدي فاتحة خير لحل مثل هذه المشكلات التى تؤرق عيشنا في قريتنا الأمنة ـ حتى الآن _
اعتذر للإطالة ويا ريت كلٌ يدلو بدلوه


منتظر ردود

محمد ابو العزم

المشكله انتهت والحمد لله وتم رفع الاشتراك الى عشرة جنيهات اى قمنا بدفع ثلاثة جنيهات اليوم والجرار كان موجود بمنطقة الاسكان اليوم وسبب رفع الاشتراك هو ان مقلب القمامه بدا يحاسب الطن ب 250 جنيه

شكرا يا استاذ محمد على التركيز عن هذه المشكله لكن انا عندى استفسار لماذا نعتمد على شخص واحد يتحكم فى موضوع القمامة بالقرية فلماذا لا يكون هناك جرار خاص بالقرية ولا نكون تحت رحمة اى شخص.
اذا كان هناك عند اى شخص راى او حل فيتفضل مشكور بطرحها ونعمل سويا فى تفعيله.

خلاص اتحلت

هى فعلا اتحلت برفع الاشتراك
بس ده مش حل لأن فى ناس كتير مش هتدفع وهتلغى اشتراكها
وانا مع الدكتور ان ليه شخص واحد يتحكم فى المشروع ده

والحل موجود ان جمعيه تنميه المجتمع تنفذ المشروع ده ويشهر عن طريق الشئون الاجتماعيه وده لأن المشروع ده بيبقى اسهل عن طريق الجمعيات الاهليه والحكوميه

او مركز الشباب ينفذ المشروع
او الجمعيه الشرعيه

او المجلس المحلى
بس لأسف الناس بتقول مش عايزين وجع دماغ
حتى الناس لما بتلاقى مشروع ينجح بعض الاهالى بتهاجم اللى ماسكين المشروع واسألوا مدير مركز الشباب لما عمل مشروع الخبز الناس هاجمته ازاى مع انه هو اللى اسس المشروع ونجح واتحمل قرفه فى الاول ووقف المشروع على رجليه

بس ياريت والله اى طرف من الاطراف اللى انا ذكرتها ينفذ المشروع

ياسلام عليك يافارس انت جبت الخلاصه بس ايد واحده ماتصقفش وياريت نكون جماعه مش جمعيه للخدمه العامه والعمل التطوعى لمثل هذه المشروعات وزى انت ماقلت فيه ناس مبتحبش النجاح واللى حاربوا المشروع المذكور هم اللى فيه وياما اتكلموا عليه للاسف الشديد

لالالا ياباشا متكلمش فى لوائح وحاجات من دى دى اسرار حربية خلينا نربى العيال
والله انا حاولت اجيب الائحة اكتر من مرة لكن لم استطع الوصول اليها

لوائح ايه؟
دى الجمعيه اصبحت مملكه يعنى بالوراثه واللى يقدم فروض الولاء والطاعه للملكه قصدى الريسه ياخد الباشاويه قصدى العضويه عضويه مجلس الاداره
دى حتى انتخاباتها كانت عرفى قصدى فى السر وبالتزكيه ولو كان شافوا جيرانهم فى النادى عملوا ايه فى الانتخابات كانوا انكسفوا على دمهم دى كانت مولعه ولا انتخابات مجلس الشعب
وبعدين اغلب اعضائها عمرهم ما اشتغلوا فى الاعمال التطوعيه ولا الخدمه العامه
ومنهم واحد كل مؤهلاته دبلوم تجاره وواخد الموضوع وجاهه بس

2_ والجمعيه مش عايزه تسيب الجزء المؤجرمن مركز الشباب بحجه قله الموارد طيب ودلوقتى مفيش موارد؟
ولا هو مشروع توزيع الخبز كان بيجيب دهب بس مع النادى
اظن الموارد بقت كتير
وبعدين الحضانه كمان مفيهاش اطفال ولا هو عند بس
يا ريت نفكر فى المصلحه العامه يا جماعه

ياسلام عليك يا ابو الفوارس واللى الناس متعرفوش انهم اجروا شقه للحضانه بجوار فرن الحاج احمد الميدانى والاثاث والموظفات موجودين هناك وياريتك تشوف بعينك كل يوم بعد العصر لبعد العشاء الوسيه والمسخره والشخصيات الموجوده التى ليس لها صله لابالمركز ولا العمل التطوعى اصلها بقت تكيه والموضوع ده لازم نشوف له حل واللى مش عجبه يوسع واحنا مبنخفش من حد ويا ترى المره دى هيتهمنا بسرقة كم الف جنيه من خزنة ابوه وشكرا

رحت النهارده فعلا يا camp.poss
وشفت بعينى القهوه اللى مفتوحه هناك ووحياتك ما هسيبهم غير لما يسيبوا الحضانه وخصوصا ان فيه واحد فيهم قال بيقول عضو مجلس محلى وبيقول انه حريف انتخابات
اما نشوف
وانا عرفت انهم مش عايزين يسيبوا الحضانه بسبب شخصى معاك
وان شاء الله هجيبهلهم من فوق حتى لو اضطرينا نروح للوزير

لو ننسى شويه المصالح الشخصيه ونبص لبلدنا شويه
هتكون أجمل بلد بس المهم نهتم بالمصالح العامه هى
التى توصلنا للى احنا عايزينه

احنا عندنا مشكلة بلاعات المجارى اللى عاليه عن الشوارع
بالذات الشوارع الضيقه يا ريت نلاقى حل مع بعض عشان
أنا عملت مشاكل كتير مع الشارع بتاعنا ومحدش راضى
يعلى الشارع أو يوطى البلاعات شويه
أين موظفين الوحده المحليه؟